我失蹤了
注意,我不是被失蹤,係我主動地失蹤,哈哈...
消失左一段日子,對不起,我對自己要求好高,寫公開blog 壓力好大(自己給自己的),自己判斷錯了輸了錢唔緊要,最忌害到別人。

而且,一開blog 時太信心爆棚,周圍宣傳,同埋迫自己每日寫一篇,由享受與人分享的過程變成勞役自己,實在係太幼稚了!

我回來了
我U Grad 後,身邊的朋友都跟我一樣初出來做野,開始對投資方面有興趣,佢地都知我一直有研究,每見到我便問下,我便會吐幾句;有些朋友又會whatsapp 我問我仲寫唔寫blog。

我可以齋講我自己對後市的預測,但只同佢地講預測係幫唔到佢地學習,最後,我決定重寫blog,本來諗著再開一個新的private blog 供好友一同研究,可是,我卻不想逃避,預測錯了,那個fund 止蝕輸了錢,現在回想,種種都只是一個經歷,是必然要通過讓我成長

我決定我會以身作則,屢敗屢戰 ,越戰越強,用事實告訴大家,我會係呢度再白紙黑字寫上投資紀錄,跑贏大市!

恆指向上突破
扣除平保的單日大成交,大市成交仍明顯偏大,放量突破22150水平阻力,價量配合,日線圖收大陽燭,估計整體後市將繼續向上,機會明顯較大。


以上係國企指數周線圖,指數空破了89周線,按理回踩不穿後便會再拉升,不妨留意一下國企表現。

美股受制34日線
美股近月走勢較差,資金流走情況明顯,雖然周線圖上,55周線繼續向上指出大跌機會微,但不排除整體上在13000水平打滾拉扯的現象將持續好一段日子。

以上為道指日線圖,連續5個交易日受壓34日線,其實,美股一直都一支獨秀,資金是有逐金性的,資金由獲利市場轉投潛力市場是恆久不變的定律,美股不跌,資金不走,香港反而無運行,看港匯偏強及QFII 認購超標便知一二。
老實講,如果怕大市回軟的話,沽Apple hedge 著唔錯的,有時間再畫圖。

明日策略
永不追漲,漲了沒貨便惟有等調整,截至今日收市,我都唔見得有短期盤頭的現象,估計明日高開創出新高的機會較大,然後,便要看成交量及小時圖判斷短期盤頭。

今日有些出頭鳥,大股例如內險內銀之類,題材股有頁岩氣等,這些先頭部隊於明日應該會歇一歇,今日未漲的明日出現補漲機會較大同理,由於補漲股不是大股,預期對恆指的推進力不大。

個人今日便入了百麗call 剩計收市價已有微利,有時間便再探討1880的大型頭肩頂走勢及望著頭肩頂都照買入的原因。

往後我見到有意思的東西先會寫兩句,題材將會五花百門,亂七八糟希望總會隔一陣又返黎吹兩句吧~