〔風光與寒磣的交替〕030618

08年金融海嘯嘅洗禮,令到環球經濟如洪水般急速陷入衰退,幾乎重新由零開始。

其後,過半主要經濟體系走過咗一條康莊大道。當中過程嚟得一啲都唔容易,涉及數次大型量化寬鬆政策,惟主要經濟體系仍然能夠踏上平穩嘅復蘇之路。

漫長嘅十年說時遲、那時快,轉眼間大家都大咗一旬。全球經濟表現起飛,當中美國為最亮麗嘅例子。當地就業情況歷史性地理想,失業率打破起過40年嘅低位,週五嘅最新數字亦再次追平低位。首次申請失業救濟人數更加接近60年代尾嘅歷史低位。通脹近年穩步上揚,挑戰2011年嘅水平。而經濟增長於最近兩年一直向好。

十年前嘅潰爛,做就接下來嘅復原。

可惜,正如壞事總會有結束嘅一日,好事亦都唔會直到永遠。經濟永遠會環繞著一個循環,不斷盛衰交替。特別嘅係,循環相隔嘅時間,往往都係一個俾大眾猜測嘅燈迷。

有別於一般燈迷,投資者左右有更多嘅提示。最近嘅經濟數據都能夠滲透出燈迷嘅迷底。可靠提示其一嘅美國國債息差,再次走向四月中所創下嘅十年低位,僅約0.4厘左右。於第一季修訂嘅經濟增長,美國政府下調庫存投資第一季變動。當中以固定投資下調幅度最高。再者,去除稅改方案嘅效應,第一季美國企業稅前盈利亦都被輕微下調。呢三個指標當中,以前兩者為領先經濟指標,反映暫時經濟嘅前景,放緩機會較大。

而週五嘅就業報告再度反映就業市場強勁。雖然薪金增幅比市場預期慢,但相信是次報告結果,仍然利好今年將加息四次。新一輪政治動盪令資金流入債市,10年期債息急急回落至2.9以下嘅水平,不過仍然無阻美元嘅強勢,反映背後市場對息口走向嘅睇法。

政治方面,意大利再次引起脫歐動議。特朗普向歐、加、及墨實施25%鋼鋁等金屬關稅。而特朗普對中美貿戰持續,態度仍然飄忽不定,令到市場又chok吓咁。

假設人類完全吸收歷史嘅教訓,咁只有新嘅元素,先至會為金融市場帶嚟震盪及泡沫:上有按揭危機、對直通車過高嘅期望,如今十年股市及經濟嘅風光,會否敗於特朗普保護主義之手中?

這次風光與寒磣嘅交替,於暴風嘅前夕,船家們都自然重拾往避風塘嘅地圖。

金融小弟