〔出爾反爾〕290518

上個禮拜港股再坐過山車,特朗普首先同中方達成貿易協議,於多項範圍達成共識,令市場氣氛回暖,造出反彈嘅形勢。不過,「普普」其後言論就是次貿易協議多番提出不滿,加上中興事件未能與貿易協議一併平息,令到市場價格overpriced,作出相應回調。

其實市場都普遍預料貿易協議效用於事無補,原因係好簡單,就係我地太了解特朗普嘅性格啦。於宣布達成共識當日,純粹見到本網對協議是否代表貿易戰平息,作出簡單嘅調查。幸運地,大家嘅頭腦都仍然清醒,喺我當日觀察嘅時候,表態「不」嘅受訪者都有超過七成。談判真正嘅波動,並非源於雙方不斷提出制裁大家嘅議案。最重要反而係當玩家不斷提出「假」嘅表態,設法令對方墮入陷阱。

當然,雙方都冀望能避免呢個情況,從而令到長期信任與合作成為此問題嘅解決方法,形成博弈論之中嘅trigger strategy:雙方長期喺能夠目察對方舉動底下,長期互相合作。否則,若任何一方作出不合作嘅舉動,合作關係將永遠報銷。而特朗普嘅言論及表態仍然飄忽,「一時一樣」。當然,特朗普此舉之目的,都係想能夠保障美國嘅利益。故此,以目前嘅情況,若中美雙方於貿易真係要達成有可信性嘅共識及合作關係,仍然有一段路要走。

貿易戰嘅形勢,仍然變幻莫測,故投資者千萬忌設法嘗試猜測談判嘅結果。反而嚟緊更值得關注嘅,係利息、美元、及美國通脹嘅走勢。雖然最近債息於上星期,作出兩年來最大單周跌幅,回吐至2.93%水平; 惟美匯持續高企,仍然為利淡市場嘅因素。再以成交趨淡嘅前提底下,預料港股維持先前上落市格局,30800-31000為本周初步阻力。除非市場未來有新嘅利好因素,否則現階段忌動靜過多。

金融小弟