[關於請人]

近期另一件令我煩惱嘅事,係關於請人。

雖然已經唔係第一次請人,不過今次情況有少少唔同。以往請親嘅都係有返咁上下經驗、有啲年資嘅人。但今次要請嘅,係一個fresh grad。一個明明可以去大公司開下眼界、可以有無限可能性嘅fresh grad,偏偏佢要將自己嘅事業押注喺我身上。

我同佢講過好多次︰對於fresh grad嚟講,第一份工真係非常緊要,你以後條路點行,都會深深受第一份工所影響。我唔係唔想請你,甚至好想請你,不過我一請你就代表我背負埋你嘅前途,要考慮嘅唔止係一份糧咁簡單,而係一份commitment。

佢話佢明白。我諗起當年杜sir請我嗰陣,好似都講過同一番說話。

我從來冇諗過要做「老闆」嘅角色,我嘅性格亦都唔似。但有時去到某個位,其實已經唔到你去選擇,都係身不由己。

PS︰我已經book咗九龍灣國際展貿中心大場,搞一場期權教學講座,先前聯絡過Isaac嘅朋友可以優先訂票。優先訂票期會去到下星期一,到時我先會喺facebook公佈,大家俾啲耐性等一等,多謝。

PPS︰借此多謝當年俾好多機會我、教識我好多嘢嘅師傅,杜嘯鴻,杜sir。