〔個天仲未光〕130318

時危勢亂,投資者們紛紛都搵避風塘暫避,揸住現金,剝陣花生先。覺得走唔切捱重倉?唔緊要,最近內地好似「放水」--- 冇呃你㗎!幾疊一千蚊現鈔,淘寶嘅「練功鈔票」幾廿蚊有找,名符其實「現金為王」!哈哈~

簡短啲update吓:科恩辭任、美電港匯穿7.84、港府堅持唔發債、內地貿易數據勝預期,入口不於預期錄得微跌、美國就業數據參差。

其實科恩辭任都不出以為奇。科恩為自由經濟派,一向嚮往自由市場,不竟美國嘅稅改方案大部分都係佢嘅功勞。最近特朗普提出嘅貿易戰,當然獲得佢強烈嘅不滿。不過,單人匹馬不敵萬人士兵,無以為繼,就只能夠唯有退出遊戲。

不過,環球市場近排進一步消化先前對加息嘅憂慮,認為聯儲局今年都唔會咁有膽量加四次息,所以股市再度復元,恆指一揚指就重上31500樓上。不過,平倉嘅朋友們唔駛驚蝕底,皆因股市嘅大方向,仍需下個禮拜議息、兩會閉幕,以及QQ全年業績公布呢幾個大日子指點迷津。嚟緊一眾中資金融股將會公布嘅成績表都俾大行睇好,令內銀內險重拾升軌。話雖如此,大家仍然要留意內銀嘅壞帳數據表現如何。壞帳始終都係一眾內地銀行、中國金融系、以至內地經濟健康指標其一,故千祈唔好只係見盈利好而被蒙蓋雙眼!一直有推介嘅建行及平保最近表現強勢,料未來一兩日跟隨大市微調,可稍候片刻再作打算都未遲。

不過,話時話,大家有冇發覺今轉港紙弱成咁,點解金管局都好似仲未主動採取行動呢?背後其實會唔會暗裡打響算盤,心中另有數?下次同大家傾吓。

金融小弟