G20 曲終人散, 對希臘算是有個共識, 細節仍有待落實. 順籐摸瓜, 歐元區突然減息令匯市喘定, 說到底還不是人民幣出台的障礙, 要掛勾便不賣賬, 還難想像是什麼把戲嚒. 歐債只有歐盟成員負擔, 這就是大國對壘的一只準備犧牲的棋子, 口風天天在轉, 局外人能預計的實在不多, 管它的是否有危機, 反正天天有新攪作又日日都死唔去, 全都是擾亂的借口, 唯有當睇戲好了.


與其寄望歐債危機消除疑慮令金融市場穩定, 倒不如想想中央有否機會放鬆一下, 過去五個交易日呈三高兩低W形態, 波幅維持在1050點上落, 每日不論升跌都以700點為上下限, 即是有波動無波幅, 全部以裂口開而橫行, 假到爆燈, 夠膽持倉過市玩700點乒乓波幾轉, 來回已經超過3000點. 做權手今期玩LONG OPTION連VOL都嬴埋, 持倉後都懶理有幾拋. 中央態度有點軟化但絕不會大刀闊斧, 不要期望太高, 玩住180-210這3000點任你拋. 你轉陣先算.



現時港股輪商同牛熊証發行商都無啖好食, 要對沖成本高, 加上極速高頻程式, 遲早死一次大大鑊, 誰敢保證電腦及人手不出錯, 當股市無章法時一定有此類事情發生, 由霸菱小子到現在都無一倖免, 皆因求勝心切, 只待時機和有幾震撼. 其實玩得太盡有時應該收斂下, 以前玩散戶, 現時玩行家, 又睇下張良計同過牆梯誰勝誰負. 劉青雲在奪命金戲中說怎麼沒有圍股, 清脆俐落道出現時股海的確在玩賭大細.



財爺說經濟會放緩, 陳總說希臘情況好複雜, 大家要保留資金實力. 豬牛羊雞鴨炒埋一碟, 鐘意食邊樣自已揀, 反正裡裡外外都一塌糊塗.



假如2012真的世界末日該是多麼熱鬧的事情, 起碼不用為先人痛哭亦不用擔心後人痛苦, 整整齊齊70億人沒恐懼, 舉著香檳該多壯觀 ! 未知閻羅王是否有足夠居屋 ? 炒到落地府就真係死都要炒

不過2012尚未到, 今日仍然要投票.