2015-02-05 人行放水刺激大市

港股尋日反彈,不過下午受A股下跌拖累恆指升幅收窄。恆指全日升125點,收報24,680點。國企指數受內險股回落拖累倒跌1點,收報11,767點。大市成交額錄得873億港元。

紐約期油強勁連續幾日反彈帶動石油股造好。中海油(883)、中石油(857)及中石化(386)各升4.3%、1.9%及1.6%。不過石油價格自去年中大跌,但係OPEC仍然唔減產令油價處於低位,未來油價走勢尚要觀察,等石油股回落再開Short Put。

中移動(941)突破52週新高,收市報$105.6。下午見有勢追開3月LC@110。適逢阿爺放水,人行在尋晚宣布下調金融機構存款準備金率0.5個百分點,香港夜期即時挾升400點,預計今日大市會造好,中移動攀升問題不大,暫時先睇向上挑戰$110。