2015-02-12 市況淡靜下尋寶

尋日港股表現繼續偏弱。恆指低開15點後,反彈動力不足跌幅不斷擴大,恆指全日跌213點,報24,315點,收於接近全日低位。國企指數跌44點,收報11,651點。全日大市成交額減少得647億港元。

本地金融股疲弱拖累大市。滙豐控股(5)受協助客戶逃稅醜聞影響,股價跌2.2%,暫時弱勢持續,想收股息要耐心等候,再低可以考慮Short Put。

相反,長實(1)逆市上升,走勢有機會破頂再創新高,相信會挑戰$155。開3月LC@155,即月雖然爆炸力大,但即月所剩日子唔多,期權金會縮得好快,下月LC會比較適合。不過要留意3月會除淨換股,所以LC都係要速戰速決。