2015-02-17 輕裝上陣過新年

港股尋日窄幅上落,恒指收報24,726點,升43點。國指報11,934點,升12點。農曆新年前假期氣氛濃厚,成交只得512億元。相信大市成交呢幾日都維持淡靜。

布蘭特原油今年首次重上60美元,石油股向好,中海油(883)同中石油(857)都升1%。

長實(1)尋日再創52週新高,最高見$151.8,收報$151.5。之前LC可以仍然持有,目標仍然係$155。

受惠市場憧憬內地寬鬆貨幣政策,繼續支持港股短綫走勢,恆指初步阻力於25,000點。留意聽日(18號)年三十晚只得半日市,新年期間按金會有所增加,若減持倉位就要把握時間。