2015-03-05 國指比恆指疲弱

尋日週三港股繼續重挫。恆指朝早窄幅波動,不過下午恆指未能跟隨A股反彈,反而跌幅擴大,走勢都幾差,收報24,465點,全日跌237點。國企指數跌207點,收報11,739點。大市成交額錄得780億港元。

雖然跌市會持續,但見恆指引伸波幅lV未有大幅扯高,相信大市再調整多D後可以喘定,現階段仲未係時候可以開好倉,要忍耐一下。

不過,滙控(5)之前是非纏身,股價已經大幅調整,相信下一輪低位有支持。除淨後如果整固完畢,考慮Short Put@65,係一個穩陣既做法。