連續被個市夾了數天,難免心情低落,這年頭太多次經歷都是有profit在手冇take最後要蝕住走,只怪自己身手不及市場行得快,有時亦轉唔切view,看來我要冷靜一下再入場,很有機會寫blog的次數亦會減少,無謂害人害物吧。

有看開本blog的朋友應該知道我都已經看淡了市場一陣子,早期尚算沒有看錯,但這個星期升完又升,恆指國指轉眼間都已經從低位彈升了不少,我亦被夾到一仆一碌。不幸中的大幸是這次做淡沒有選指數,亦沒有再用貼價熊,出擊的都是本身甚弱的股票,由最初唔跟升夾到呢兩日都跟埋,才開始感受到切膚之痛。圖表上,恆指國指,及不少其他市場如歐洲豬國等,均準備試W型底的頸線(美國已經上破),真破此線的話也是個相當不錯的訊號,不到我不認輸。在此俾個期限自己,明天個市再爆的話即暫時要當雙頂無望,淡倉會有秩序撤退。

手上其他如黃金call,昨天買的200, 2888會keep,即管睇下個市再升到幾多,希望可以幫補番下,有幸近21500的話我會捲土從來。

話時話,假若明天個市真係跌,成個雙頂咁款,大家又會點做呢?